Radund 2'000 persunas han visità ils «Ice Stupas» en la Val Roseg. Ussa suenter 103 dis, han ins serrà quels per il public – quai ord motivs da segirtad.
Ils Ice Stupas èn radund 20 meters auts ed han in volum da maximalmain 3 milliuns liters aua en furma da glatsch. Cun las temperaturas da primavaira lieuan quellas plaun plaunet. L'entir process da luar dura circa enfin l'entschatta da zercladur, ha declerà Felix Keller.
Sensibilisar il public sin il problem da l'aua
la finamira da sensibilisar il vast public sin la problematica da la stgarsezza d'aua saja vegnida cuntanschida, uschia ils iniziants. Era per proxim onn saja previs da fabritgar danovamain ils Ice Stupas.
RR novitads 17:00