Ils capricorns s’avischinan regularmain da primavaira a Puntraschigna. Quai per giudair l’emprima erva delicata sur la vischnanca, suenter in dir enviern cun pauc nutriment.
Nagina tema da persunas
Ils capricorns sa laschan avischinar durant lur alloschi fin sin 20 meters distanza, senza sa laschar disturbar. Normalmain mitschan ils animals apaina ch’els savuran in uman. Autra è la situaziun a Puntraschigna.
Ils capricorns vegnan giu dapi decennis.
Ils animals muntagnards paran d’avair sa disads vid la preschientscha da glieud, cura ch’els èn en vischinanza da territori abità.
Situaziun geografica
Fin 100 capricorns pon ins observar sin in territori da circa in mez kilometer surfatscha. Daniel Godli, il schef guardiaselvaschina Engiadin’Ota e Bregaglia numna quest lieu «la stiva dals capricorns». Quai surtut pervi dad avantatgs topografics, ch’ils capricorns tschertgan sco: prada verda, grippa, guaud per star a sumbriva e terrassas suleglivas.
Apaina che la naiv è svanida sin ils auts, èn era puspè svanids ils capricorns.
