Siglir tar il cuntegn

Header

La Val Müstair
Legenda: La Val Müstair La Val Müstair RTR/D. Spinnler
cuntegn

Engiadina La suprastanza da Val Müstair sa dosta

Cun ina broschura da 13 paginas piglia posiziun la suprastanza communala envers rinfatschas dad ina gruppaziun dad abitants.

Questa primavaira aveva publitgà ina gruppa d'abitants da la Val Müstair ina broschura cun fitg bleras renfatschas envers la suprastanza communala. Tranter auter ha crititgà la gruppaziun che ils emploiads da la vischnanca hajan salaris bler memia auts, che la gestiun forestala na saja betg transparenta e las lavurs surdimensiunadas, che ils impiegads communals derivian per part dal Tirol dal sid e che la vischnanca haja insumma memia blers impiegads.

Vasta argumentaziun

La suprastanza communala respunda ussa cun ina broschura da 13 paginas. Tar mintga renfatscha datti divers arguments. La suprastanza communala vul uschia esser transparenta.

Ils salaris dals impiegads correspundian tenor la suprastanza a las normas chantunalas, ils salaris sajan perfin sut la media chantunala. Che la gruppaziun d'abitants numna nums per exempel dal chanzlist en connex cun ina summa da salari che na constat betg na vul la suprastanza dentant betg acceptar e ponderescha da far pass giuridics. Tar il persunal haja la vischnanca en pli pudì reducir il numer d'impiegads per 5 persunas dapi la fusiun. Il manader da project che abita en il Tirol dal sid han ins impiegà tenor la suprastanza suenter che ina persuna indigena n'haja betg acceptà l'elecziun.

Tar la gestiun forestala mussa la suprastanza exactamain co che ils projects en dumonda ston vegnir realisads tenor prescripziuns chantunalas e che ils projects da protecziun èn necessaris.

La suprastanza communala punctuescha ch'ins saja avert per critica. La suprastanza è dentant da l'avis che talas renfatschas publitgadas en ina broschura fetschian donn a la Val Müstair.

Artitgels legids il pli savens

Scrollar a sanestra Scrollar a dretga