Siglir tar il cuntegn

Header

cuntegn

Engiadina La Val Müstair crititgescha destinaziun

La destinaziun Engiadina Scuol Samignun Val Müstair na fetschia betg reclama tar ils gists segments da giasts per la Val Müstair.

Las uniuns Gastro e Mansteranza da la Val Müstair crititgeschan la destinaziun Engiadina Scuol Samignun Val Müstair. Il president da Gastro Val Müstair - Pierre-René Grond - ha ditg a Radiotelevisiun Svizra Rumantscha che la destinaziun na fetschia betg in marketing adattà ord optica da la Val Müstair. La destinaziun na cuntanschia betg quels turists che fissan il public per la Val Müstair.

audio
Saira: Critica da las uniuns Gastro e Masteranza da la Val Müstair vers la destinaziun Engiadina Scuol Samignun Val Müstair
ord Actualitad dals 19.04.2016.
laschar ir. Durada: 3 minutas 12 Secundas.

Pli concret n'ha il president da la Gastro Val Müstair betg vulì denominar la critica. Quai pervia ch'i dat ina sesida culla destinaziun l'emna che vegn per discutar las renfatschas. Avant quella sesida n'ha il president betg vulì dir dapli envers las medias.

Critica enconuschenta

La destinaziun Engiadina Scuol Samignun Val Müstair enconuscha la critica che vegn nà da la Val Müstair. Gia avant stgars 2 onns avevi dà critica envers la destinaziun. Lura aveva la populaziun dentant decidì quasi unanimamain da restar tar la destinaziun. Urs Wohler, il directur dad Engiadina Scuol Samignun Val Müstair appelescha da lavurar ensemen empè da dispitar. Quai saja fitg impurtant, gist ussa en temps difficils per il turissem en Grischun.

Artitgels legids il pli savens