Siglir tar il cuntegn

Header

cuntegn

Engiadina La Val Müstair è cuntenta suenter la 3. giada Tour de ski

Ils organisaturs dal Tour de ski en Val Müstair èn cuntents cun la 3. ediziun da las cursas da passlung en Val Müstair. Els vulan era en avegnir organisar ina u pliras etappas dal Tour de ski.

Cla Filip Pitsch
Legenda: Cla Filip Pitsch, il president dal comité d'organisaziun dal Tour de ski en Val Müstair RTR/David Spinnler

Ils organisaturs da las 2 etappas dal Tour de ski en Val Müstair èn cuntents cun ils 2 dis da cursa. Las cursas han funcziunà senza incaps e cun fitg bunas relaziuns.

Suenter il prim di eran ils organisaturs dentant trumpads dal dumber d'aspectaturs. Radund 3'500 persunas avevan visità ils sprints a Silvester. Il segund di da cursa haja cumpensà il resultat ha ditg il president dal comité d'organisaziun Clà Filip Pitsch envers Radiotelevisiun Svizra Rumantscha. Tut en tut sajan stadas radund 6'000 persunas en Val Müstair. Cun quel resultat sajan ins cuntent ha ditg Pitsch.

audio
La Val Müstair è cuntenta cun las cursas dal Tour de ski
ord Actualitad dals 01.01.2017.
laschar ir. Durada: 2 minutas 57 Secundas.

Tour de ski era en avegnir en Val Müstair?

Suenter la terza ediziun dad ina u pliras etappas dal Tour de ski en Val Müstair vulan ils organisaturs far tut per pudair realisar era en avegnir etappas dal Tour de ski en Val Müstair. Ussa ston ins dentant tractar da nov cun la Federaziun internaziunala da skis Fis. Era il nov president communal Rico Lamprecht ha ditg ad RTR che la vischnanca beneventass sch'i dess era en avegnir puspè cursas dal Tour de ski en Val Müstair.

RR sportissimo 17:00

Artitgels legids il pli savens