La Val Müstair è pronta per il Tour de Ski

La pista per las 2 cursas è pronta - construida cun 70'000 meters cubic naiv artificiala.

Laschar ir video «La Val Müstair è pronta per il Tour de Ski»

La Val Müstair è pronta per il Tour de Ski

0:45 min, Telesguard dals 30.12.2016

Il Tour de Ski cumenza damaun sonda, a Silvester. E la pli importanta seria da la Cuppa mundiala da passlung cumenza quest'onn en Val Müstair.

70'000 meters cubic naiv han ils organisaturs producì per garantir pistas perfetgas per duas cursas. Il sprint è a Silvester, la cursa da 10 kilometers per ils umens e da 5 kilometers per las dunnas suandan a Bumaun. Per la partenza dal Tour de Ski en Val Müstair han ils organisaturs budgettà 1,4 milliuns francs.

Uss mancan mo anc detagls

Ils organisaturs èn cuntents era sch'ins sto anc lavurar vid detagls. Er ils responsbels da la Federaziun internaziunala da skis FIS èn sa mussads cuntents cun ils trajects da cursa. Uss po damai cumenzar la festa da passlung en Val Müstair.

Il fieu artificial che era previs la saira da silvester durant la festa dal Tour de ski è dentant annullà. Quai pervia dal prighel acut da fieu en las valladas dal sid dal Grischun.

RR actualitad 17:00