Engiadina - La vischnanca da Zernez quinta cun in surpli d’entradas
Zernez quinta l'onn proxim cun in surpli d'entradas da bunamain 700'000 francs tar entradas totalas da 18,2 milliuns. La radunanza communala da Zernez ha approvà il preventiv 2017.
L’onn proxim vul la vischnanca da Zernez far investiziuns nettas da stgars 6 milliuns francs. Tranter auter duai la scola vegnir renovada. Era vegnan pliras vias sanadas ed ils pumpiers vulan cumprar l’onn proxim in auto da salvament sco era in auto da transport da gruppa.
