Siglir tar il cuntegn
Inhalt

Engiadina Lagalb, Diavolezza e Piz Nair midan possessurs

Las pendicularas Engiadina San Murezzan Mountains SA communitgeschan che la Piz Nair SA acquista las duas pendicularas Diavolezza e Lagalb. Sco cuntraprestaziun surpiglia la societad pendicularas Engiadina San Murezzan Mountains ils indrizs da la Piz Nair SA.

Questa cunvegna è tenor la communicaziun vegnida iniziada da la famiglia d’interprendiders Niarchos, possessurs principals da las pendicularas Piz Nair e Corvatsch. Nov daventa ord l’interpresa Piz Nair SA l’interpresa Diavolezza Lagalb SA, ina societad affiliada da la Corvatsch SA.

Nus vulain pussibilitar ina cuntinuaziun da la pendiculara Lagalb, quai è dentant mo pussaivel sch’ins gestiunescha quella ensemen cun la pendiculara Diavolezza.
Autur: Franco Tramèrpresident dal cussegl d'administraziun, Piz Nair SA

Uschia vegnian stgaffidas interpresas bain posiziunadas, che duain surpigliar ensemen la responsabladad per l’offerta turistica en l‘Engiadin’Ota, scrivan las pendicularas en ina communicaziun cuminaivla.

L’acquisiziun dals indrizs dal Piz Nair correspunda a nossa strategia. Quella ans pussibilitescha da meglierar l’entira regiun da skis Corviglia Piz Nair.
Autur: Luis Wieserpresident dal cussegl d'administraziun, Engiadina San Murezzan Mountains SA

Las plazzas da lavur existentas duain vegnir mantegnidas. Davart las cundiziuns detagliadas da la transacziun vulan las partidas tegnair discreziun. La stagiun d'enviern 2016/17 cumenza sin la Diavolezza ils 22 d'october, sin la Lagalb ils 23 da december 2016.

Pendiculara Lagalb salvada definitivamain

Cun quai è la cuntinuaziun da la pendiculara Lagalb segirada. Tenor ils novs possessurs duain era ils iniziants da la Pro Lagalb vegnir integrads en il nov concept d’interpresa da la Diavolezza Lagalb SA.

Ensemen cun la Diavolezza è bler dapli pussaivel, co far insatge sulet. Nus essan cuntents...
Autur: George Walliser e Rainer GoodIniziants Pro Lagalb

RR novitads 15:00