Siglir tar il cuntegn

Header

video
Far bogn a Ftan 1949 vs. 2019
Or da RTR Social dals 14.07.2020.
laschar ir
cuntegn

Lai da Padnal In stgazi da Ftan

Il Lai da Padnal sin bunamain 1'700 meters sur mar ha ina lunga istorgia. Quai è in'istorgia cun duas vitas.

Il Lai da Padnal ha existì l'emprima giada dal 1938 fin enturn il 1980. Il lai era vegnì realisà da l'Institut Otalpin a Ftan e vegniva duvrà da las scolaras e dals scolars. En l'archiv dad RTR chattan ins films co els giudevan l'aua frestga durant ils onns 60.

Avant radund 40 onns ha l'institut pers l'interess vi dal Lai da Padnal, ed il chantun ha remartgà che l'aua dal lai sfundra e periclitescha las spundas sutvart. Il lai è sinquai svanì. Bun 30 onns n'è marschà nagut.

Suenter bunamain 40 onns è il lai enavos

Pir il 2011 è puspè vegnì moviment en chaussa. Sut la batgetta dal president communal Reto Pedotti han ins vulì reactivar il Lai da Padnal. Avant ch'ils da Ftan han dentant propi gì enavos lur lai, hai anc durà in mument.

Pir il 2019 èsi finalmain stà uschè lunsch. Exact in onn suenter l’emprima badigliada è il Lai da Padnal dador Ftan vegnì avert per il public. Ils custs per la realisaziun han muntà a 400'000 francs.

L'istorgia dal Lai da Padnal en bun 1 minuta

video
Far bogn a Ftan 1949 vs. 2019
Or da RTR Social dals 14.07.2020.
laschar ir

RTR actualitad 11:00

Artitgels legids il pli savens

Scrollar a sanestra Scrollar a dretga