Ils dus gronds eveniments sin il lai schelà da San Murezzan, White Turf e Polo on Snow n’han betg lieu quest onn causa corona. Las duas occurrenzas cun cursas da chaval tranter la fin da schaner e mez favrer attiran adina in grond dumber da giasts da la high society.
Betg da congualar
Per insumma porscher insatge questa stagiun d’enviern sin la gronda vetta da glatsch a San Murezzan, ha la vischnanca creà pliras attracziuns per giudair il lai er d’enviern. Cumenzà tar ina lunga pista da glatsch per ir cun patins dad 1,2 km, sur ina loipa da passlung fin tar pussaivladads d’empruvar ora sports main populars sco skijöring u patinadi da sveltezza.
La purschida «Amusement on the lake» avessan nus er lantschà senza corona. Uss datti simplamain dapli mesiras da protecziun.
L’egl engianà
Era sch’ins ha l’impressiun da pli lunsch davent ch’il Lai da San Murezzan è fullanà cun glieud, realisesch’ins il cuntrari cura ch’ins è sin la vetta da naiv e glatsch. Il lai ha ina surfatscha da 0,78 km2, uschia che tut sa sparpaglia bain, renda attent il directur da San Murezzan Turissem, Adrian Ehrbar.
-
Bild 1 von 6. Patins pon ins prender ad emprest sin il lai. Bildquelle: RTR, Armon Schlegel.
-
Bild 2 von 6. Blera plazza per differents sports sin il lai. Bildquelle: RTR, Armon Schlegel.
-
Bild 3 von 6. Amusement adattà a corona. Bildquelle: RTR, Armon Schlegel.
-
Bild 4 von 6. L'Amusement on the lake è preschents era en il vitg sin blers placats. Bildquelle: ARTR, Armon Schlegel.
-
Bild 5 von 6. Drink and Food on the lake datti era. Bildquelle: RTR, Armon Schlegel.
-
Bild 6 von 6. Tut è organisà tras e tras. Bildquelle: RTR, Armon Schlegel.