Siglir tar il cuntegn

Header

La baselgia da Tarasp.
Legenda: La baselgia da Tarasp. RTR, Georg Luzzi
cuntegn

Engiadina Las baselgias da Tarasp e Zernez vulan fusiunar

Las corporaziuns catolicas da las vischnancas da Tarasp e Zernez vulan fusiunar. Il motiv è la situaziun finanziala.

Dapi il 1623 èn ils chaputschins da Puntina (Innsbruck) stads preschents a Tarasp. Il 2008 ha il davos pader permanent Theodosius Caratsch bandunà la pravenda da Tarasp per entrar en la claustra da Schlanders en il Tirol dal Sid.

audio
Bunura: Baselgias da Zernez e Tarasp vulan fusiunar
02:10 min, Actualitad dals 18.07.2017.
laschar ir. Durada: 02:10 minutas.

Surpiglià la pravenda da Tarasp cun in pensum da 30% ha il pader da Zernez Krzystof Malinowski. Ussa duai vegnir tar ina fusiun tranter las corporaziuns catolicas da Tarasp e Zernez. Cun questa fusiun dumbra la nova corporaziun catolica dapli che 600 commembers ed accumplescha uschia las pretensiuns da la baselgia chantunala.

Scuol, Ardez e Martina na vulan betg fusiunar

La corporaziun catolica da Tarasp ha discutà in’eventuala fusiun era cun las vischnancas d’Ardez, Scuol e Martina. Quels han però infurmà da betg vulair fusiunar per il mument.

La decisiun finala han las radunanzas da las corporaziuns catolicas da Tarasp e Zernez che han lieu l’atun 2017.

RR actualitad 07:00

Artitgels legids il pli savens

Scrollar a sanestra Scrollar a dretga