Siglir tar il cuntegn
cuntegn

Engiadina Las chaliras fan patir ils glatschers pli e pli

Er quest onn èn la gronda part dals glatschers grischuns luentads vinavant. Quai dentant betg pervi da la stad passada ch'era ina da las stads las pli chaudas dapi passa 100 onns. Il regress d’in glatscher è fitg cumplex ed il temp da reacziun è fitg lung.

Legenda: Guardar il video Glatscher Tschierva suenter la stad a chalira. Durada 03:11 minutas.
Or da Telesguard dals 21.09.2018.

Gia dapi in tschientaner vegnan mesirads ils moviments dals differents glatschers en nossas regiuns. Cun excepziun da singuls onns èn praticamain tut ils vadretgs luentads dapi las mesiraziuns, il link avra en ina nova fanestra.

Uschia era il vadretg da Tschierva en la Val Roseg. Quest onn è el sa retratg per bunamain 22 meters. Quai resulta or da las pli novas mesiraziuns fatgas quest onn da Gian Andri Godly da l'Uffizi da guaud e privel da la natira. Il regress è bain sut la media, dentant è quest ina reacziun sin ina da las stads pli fraidas en il passà.

Dapi 3 onns mesira l'inschigner forestal ils vadretgs da Calderas, Roseg, Sella, Morteratsch e Tschierva. Per pudair trair las dretgas conclusiuns en vista il futur èn talas mesiraziuns che vegnan fatgas cun in apparat da GPS da gronda valur per la scienza. Dentant èn questas mesiraziuns impurtantas era per il Uffizi da guaud e privel da la natira. Ellas servan numnadamain a controllar ed eruir eventuals privels ch'il regress dals glatschers pudess avair per l'ambient.

TSG 17:40