Siglir tar il cuntegn

Header

UdG
Legenda: Radunanza extraordinaria da l'Uniun dals Grischs a Zernez RTR, Violanta Rominger
cuntegn

Engiadina Las propostas da la Lia Rumantscha procuran per discussiuns

En ina emprima fasa na saja betg da decider per ina u l'autra varianta, uschè il tenor da la radunanza extraordinaria da l'Uniun dals Grischs. Ella propona ina cumissiun che elavura ils novs statuts. Per l'Uniun Rumantscha Grischun Central è la radunanza da delegads l'unica varianta realisabla.

Las trais propostas da la Lia Rumantscha per democratisar meglier l'organisaziun tetgala da la Rumantschia vegn a procurar per discussiuns a la radunanza generala ils 29 d'october. Quai mussan las reacziuns da l'Uniun dals Grischs e l'Uniun Rumantscha Grischun Central. La Surselva Romontscha vegn a decider sia posiziun a la radunanza dals 24 d'october.

L'UdG n'ha nagin favurit

Il pli impurtant saja che las trais uniuns territorialas, damai l'Uniun dals Grischs, la Surselva Romontscha e l'Uniun Rumantscha Grischun Central, hajan la maioritad da las vuschs da delegads. Quai saja il punct impurtant ch'ins vul far cler era avant la radunanza dals delegads da la Lia Rumantscha la fin d'october.

Votaziun da consultaziun per las regiuns territorialas

A la fin da la radunanza han ils commembers preschents vulì votar consultativamain davart las posiziuns. Damai cun tge posiziuns ch'ins va a Lavin ils 29 da october.

  1. Fundar cumissiun: gea cun gronda maioritad
  2. Èn ils commembers da l'avis che las uniuns da tschep duain avair la pussanza: 15 han ditg gea, 5 na cun in pèr abstenziuns.

Ils puncts impurtants or da la radunanza da l'UdG

  • Ins vul ina restructuraziun per dapli democrazia
  • Quai è in process che dovra temp
  • Ina cumissiun da differents represchentants duai elavurar ils status novs en detagl
  • Co metter ensemen la cumissiun saja da ponderar bain e segir betg da sutvalitar
  • Las trais uniuns territorialas duain avair dapli forza
  • Ins stoppia dentant era sclerir co integrar las uniuns d'interess

L'Uniun Rumantscha Grischun Central favurisescha la radunanza da delegads

La proposta per ina radunanza da delegads redimensiunada saja l'unica proposta cun mauns e pes ch'i vali da sustegnair. Quai di la presidenta da l'Uniun Rumantscha Grischun Central, Zegna Pittet Dosch.

I saja ina proposta realisabla e resguardia sco suletta varianta er vinavant las uniuns affiliadas da la Lia Rumantscha. Questas uniuns sco per exempel la GiuRu u l'Uniun da la litteratura rumantscha fetschian impurtanta lavur. Ella na vesia betg che las uniuns territorialas pudessen en avegnir surpigliar questa lavur, uschia Pittet Dosch.

Artitgels legids il pli savens

Scrollar a sanestra Scrollar a dretga