Siglir tar il cuntegn

Header

Purtret da la lavina rutta ora sin il Piz Alv.
Legenda: La lavina è vegnida en ruschnas durant ch'ils trais skiunz eran da viadi direcziun Lagalb. MAD, Polizia chantunala
cuntegn

Lavina al Piz Alv In skiunz da turas en privel da vita

Al Piz Alv a Puntraschigna hai dà mesemna ina disgrazia da lavina. In skiunz da turas è en privel da vita ed è vegnì sgulà cun helicopter en l'ospital chantunal a Cuira. Ses frar è blessà mo levamain, communitgescha la Polizia chantunala.

En trais èn ils skiunz stads da viadi mesemna suentermezdi. Cur suenter las 14:00 sajan els stads da viadi a val direcziun Lagalb. Là ha lura il terz dals skiunz chaschunà la lavina en ina flanca che mussa direcziun sidost. La lavina haja lura stratg cun l'um da 34 onns e sutterrà quel cumplettamain. Ses frar è er vegnì stgarpà cun, dentant be in curt toc – el è sa blessà be lev.

Ensemen cun il terz skiunz han els lura chattà suenter radund 15 minutas l'um sutterrà. Sustegnì els han dus spezialists da salvament dal CAS da la secziun Bernina sco er in'equipa da la Rega e da HeliBernina. Cun grevas blessuras ed en in stan critic ha l'um ch'era pli ditg en la lavina pudì vegnir transportà en l'ospital chantunal a Cuira. Ses frar ch'era blessà lev è vegnì sgulà per controlla en l'ospital a Samedan.

RTR novitads 15:00

Artitgels legids il pli savens

Scrollar a sanestra Scrollar a dretga