Siglir tar il cuntegn

Header

video
Ina lavina ha cuvert il glindesdi saira la via tranter Segl e Malögia
Or da Telesguard dals 23.01.2018.
laschar ir. Durada: 2 minutas 34 Secundas.
cuntegn

Engiadina Lavina tranter Segl e Malögia

Tranter Segl-Baselgia e Malögia è glindesdi saira ida a val ina lavina. Quai ha confermà la Polizia chantunala sin dumonda da RTR.

  • Tranter Segl e Malögia è ina lavina ida a val.
  • In auto è vegnì tschiffà da la lavina.
  • La manischunza n'è betg vegnida blessada.
  • La via resta serrada almain fin mardi.

Glindesdi curt suenter las 18:30 è in auto ch'era en via dal Plaun da Lej en direcziun Segl Maria ed è vegnì tschiffà d'in squatsch. Il squatsch era part d'ina lavina da var 50 meters lunghezza e d'ina autezza da dus fin tschintg meters. La manischunza ha bandunà l'auto sezza e senza blessuras.

Auto serrà en.
Legenda: In auto è vegnì giud via pervia d'ina lavina. MAD

Sco quai che la Polizia chantunala ha communitgà envers RTR, vegnia la situaziun evaluada en il decurs dal mardi sche la situaziun da lavinas lubescha insumma da rumir la via. Dapli indicaziuns uffizialas na datti il mument betg. Persunas na paran betg dad esser vegnidas blessadas.

audio
Lavinas Segl e Pass dal Fuorn
ord Actualitad dals 23.01.2018.
laschar ir. Durada: 1 minuta 56 Secundas.

Lavinas vegnan siglientadas

Il privel da lavinas è anc adina gronds. En singulas regiuns èsi pussaivel che grondas lavinas spontanas pon vegnir fin en las vals. Per evitar talas situaziuns vegnan actualmain siglientà pliras lavinas en il territori da skis.

RR novitads 23:00+

Artitgels legids il pli savens