Per sanar ils indriz tecnics da la sortida dal lai da serra Punt dal Gall ston ils responsabels far diever d’in sistem tut spezial. Per betg stuair svidar il lai, vegn duvrà in sistem cun sfunsaders. Quels vivan durant pliras emnas en ina staziun da cumpressiun. Or da quella staziun pon els lavurar 90 meter sut aua senza avair problems cun la pressiun. Las OEE ston investir radund 10 milliuns dapli perquai.
audio
Saira: Il mir da serra Punt dal Gall ha urgentamain da basegn ina renovaziun
ord Actualitad dals 23.03.2015.
laschar ir. Durada: 2 minutas 55 Secundas.
Previs d’era da svidar il lai per far questas lavurs. Suenter la catastrofa ecologica avant 2 onns, nua che millis da peschs eran morts cun svidar il lai, han ils responsabels da las ovras decidì da far diever da quest nov sistem, malgrà ils cust pli auts.