In consorzi da bajegiar austriac surpiglia las lavurs da perfuraziun da la Hochtief Infrastructure GmbH vi da l'ovra idraulica sur cunfins da la GKI (ovra idraulica En). Il consorzi consista da la Strabag AG, la Jäger Bau GmbH da Schruns e la G. Hinteregger & Söhne Baugesellschaft m. b. H. da Salzburg.
L'entschatta da l'onn avevan la GKI e la Hochtief Infrastructure GmbH decidì da schliar lur contract da collavuraziun. Igl è planisà da cuntinuar cun las lavurs da perfuraziun ils proxims mais. Ils lavurers da la regiun ch'èn stads engaschads da Hochtief vegnan surpigliads dal nov consorzi.
RR novitads 15:00