Engiadina - «Leger. E co!» - Nov med d'instrucziun rumantsch

Legenda: Ils uffants emprendan a leger cun tavlas da fatschas che mussan ils suns sco qua per il pled "Stop" RTR/David Spinnler

Emprender ils bustabs. Dapi quest onn da scola pon uffants da l'Engiadina e da la Sutselva far quai cun guardar sco prim sin la mimica. Co guarda ora la fatscha dad ina persuna cura che quella pronunzia in bustab? Emprender da leger cun fatschas, uschia pon ins circumscriver la sistematica.

Il nov med d'instrucziun per emprender a leger «Leger. E co!» lavura cun la nova metoda da la pedagoga Ursula Rickli. Emprender da leger cun suns empè da segns per ils bustabs. Quai gida tenor Rickli surtut ad uffants che han fadia da cumbinar suns cun ils segns abstracts per ils bustabs.

audio

Bunura: Nov med d'instrucziun per vallader "Leger E co!"

02:24 min, ord Actualitad dals 28.09.2016.

laschar ir. Durada: 2 minutas 24 Secundas.

Med d'instrucziun obligatoric

«Leger. E co!» è il med d'instrucziun obligatoric dal chantun Grischun per tut ils scolars en Engiadina, Val Müstair e Sutselva.

Il chantun ha laschà elavurar il nov med d'instrucziun la Scola auta da pedagogia dal Grischun. Las auturas Mirta Nicolay ed Esther Krättli han elavurà «Leger. E co!» cun agid dad Ursula Rickli.

RR actualitad 07:00