-
Bild 1 von 3. Da sanestra; Flurin Salzgeber, Lucas Candinas e Lina-Margaritta Salzgeber, Selina Duschletta manca caus'absenza. Bildquelle: RTR, Georg Luzzi.
-
Bild 2 von 3. Da sanestra; Flurin Salzgeber, Lina-Margaritta Salzgeber e Lucas Candinas, Selina Duschletta manca caus'absenza. Bildquelle: RTR, Georg Luzzi.
-
Bild 3 von 3. Il public a la surda da la Plima d'aur / Pledpierla a Zernez. Bildquelle: RTR, Georg Luzzi.
Ina giuria ha dastgà giuditgar 155 texts ladins, 194 sursilvans e 34 texts en rumantsch grischun. Quatter scolaras e scolars da las regiuns Engiadina, Surselva e Grischun Central, ensemen indesch scolaras e scolaras tranter 9 e 25 onns han la finala gudagnà la plima d’aur 2019.
Co statti cun il rumantsch dal 2119
Il public è sa divertì da las poesias ed istorgias chèn vegnidas prelegidas dals giuvens e giuvnas scripturs/as durant la saira a Zernez. Istorgias tristas, plain amur, ma era crimis e poesias che dattan da pensar. Ma finalmain èn tuts da l’avis che il rumantsch vegn a surviver era in 100 onns.
La plima d’aur / pledpierla
Dapi 20 onns datti la concurrenza da scriver per giuvnas e giuvens. En Engiadina sa numna quest’occurrenza «pledpierla» ed en l’ulteriur Grischun la «plima d’aur». La finamira è dad animar giuvnas e giuvens da scriver poesias, raquints davart il Rumantsch e la Rumantschia, istorgias d’amur ed auter pli. La concurrenza ha lieu mintga dus onns.
Gievgia saira èn las victuras ed ils victurs vegnids preschentads en tut las trais regiuns: a Vella, Donat e Zernez. Las victuras ed ils victurs dastgan preschentar lur texts a chaschun dal giubileum «100 onns Lia Rumantscha» a Zuoz al Di da litteratura ils 16 d'avust 2019.
RR actualitad 08:00