Siglir tar il cuntegn

Header

video
Ina lecziun da deepwork cun Andrea Ritz
Or da RTR dals 22.09.2016.
laschar ir. Durada: 57 Secundas.
cuntegn

Engiadina Lifestyle fitness- il trend online na plascha betg a tuts

Or da vista d'ina trenadra da professiun è il trend enturn ina vita nua ch'ils fitness tutga tiers, segir positiv. Quai silmain di Andrea Ritz. Ella è dapi 26 onns activa en la branscha. Il svilup online dentant vesa ella fitg critic. Surtut perquai che la controlla manca.

audio
Bunura: Ina trenadra da professiun vesa critic il svilup da trenar cun programs online
ord RTR Audio dals 19.09.2016.
laschar ir. Durada: 4 minutas 27 Secundas.

Las persunas che sa preschentan online cun lur program ed in corp perfetg valan savens sco idols. Quai è en sasez bun di Andrea Ritz, trenadra da professiun. I po dentant era esser problematic. Numnadamain lura sche mintgin ha l'impressiun, mo perquai ch'el trenescha sez gugent, ch'el haja la legitimaziun da trenar auters. Quest svilup vesa ella critic. Ins stoppia schont sa dumandar, sche quai fetschia senn. Surtut perquai che la controlla in ad in manchia.

Andrea Ritz
Legenda: Andrea Ritz durant il trenament da DeepWork RTR, Violanta Rominger
Jau sun persvasa ch'in bun trenament vul dir da far gist ils moviments e perquai dovri in trenader da professiun che controlla in ad in.
Autur: Andrea Ritz Trenadra da professiun

En il studio a Silvaplauna e San Murezzan dat Andrea Ritz surtut las lecziuns da gruppas. Ella ha la pussaivladad da curreger immediat sch'insatgi fa faus in moviment, tegna faus ils schanugls u las spatlas. Quai, il contact persunal, manca online.

Programs online pon funcziunar

Quai mussan blers exempels da fotografias avant e suenter in program sco size zero. Fotografias ch'ins na sa savens betg - è quai propi la realitad? Ni è quai in fake? L'exempel da Vanessa Padrun mussa ch'igl è pussaivel. Ella ha pers 10 kilos grazia in program online.

Artitgels legids il pli savens