Siglir tar il cuntegn

Header

cuntegn

Engiadina Lifestyle fitness – in trend che crescha, surtut online

Plattafurmas che porschan programs da fitness han success. Online chatt'ins numerusas ed adina pli bleras offertas, entirs programs per vegnir liber dals kilos, avair ina figura sportiva – la figura da bikini lung giavischada. Las plattafurmas empermettan bler. Quant valan ellas dentant propi?

Size Zero, Sophia Thiel, Kylaitsines èn trais programs che han actualmain grond success en l'internet. Millis sche betg milliuns da persunas persequiteschan la vita da las persunas che stattan davos il num dal product. Ils programs èn ina fatschenta – ins paja per survegnir in plan da fitness e da trenament; savens per in pèr mais. Cun l’empermischun da la transfurmaziun da tia vita. Vul dir: È il program absolvì, spetga la nova figura.

Nicole Pinggera
Legenda: Nicole ha 20 onns ed è creschida si en Engiadina a Puntraschigna RTR, Violanta Rominger
Jau viv quai che jau pregel e vul dar vinavant mias experientschas.
Autur: Nicole Pinggera Healty Fit Lifestyle
audio
Bunura: Nicole Pinggera dat vinavant sias experientschas sco coach
ord Actualitad dals 21.09.2016.
laschar ir. Durada: 3 minutas 26 Secundas.

Nicole Pinggera da Puntraschigna porscha dapi in pèr mais sezza in tal program. Gratuit. Sut il num «Healthy Fit Lifestyle» cusseglia ella persunas che vulan il medem sco ella – viver in healthy fit lifestyle. Sin Instagram fa ella posts da fotografias dal trenament ni da quai ch'ella mangia. Sin Youtube chargia ella curts films per in trenament nua e cura ch'ins vul.

In trend che betg mintgin vesa positiv

Andrea Ritz, trenadra da professiun en il skiracing gym a Silvaplauna e San Murezzan, vesa critic il svilup dal trend fitness online.

RR actualitad 08:00

Artitgels legids il pli savens