Siglir tar il cuntegn

Header

audio
Engiadina Bassa: Purs vulan indemnisaziuns per prads da loipas
Or da Actualitad dals 01.06.2022.
abspielen. Laufzeit 3 minutas.
cuntegn

Loipas en Engiadina Bassa Naginas indemnisaziuns – er sch'i dat pli pauca racolta la stad

En ina brev a la Regiun Engiadina Bassa Val Müstair tschertga la societad agricula ina collavuraziun tranter turissem ed agricultura.

En la brev menziunada pretenda la societad agricula Engiadina Bassa ina sort indemnisaziun causa ils donns. La realisaziun da la loipa procura per damain racolta. La conferenza da presidentas e presidents da la Regiun Engiadina Bassa Val Müstair ha però refusà la dumonda e quai unanimamain.

Tenor infurmaziuns dal mainagestiun Rico Kienz n'è la regiun betg la gista adressa per questa problematica.

Sch'i vegn indemnisà, lura ston far quai las vischnancas pertutgadas u las instituziuns che profitan da las loipas
Autur: Rico Kienz Mainagestiun Regiun Engiadina Bassa Val Müstair

Il president da la societad agricula Engiadina Bassa manegia:

Ils purs profitan dal turissem – ma er il turissem dals purs. Perquai dovri ina collavuraziun
Autur: Clà Janett President da la societad agricula Engiadina Bassa

La Regiun Engiadina Bassa Val Müstair ha senz’auter l’encletga per la situaziun e propona da contactar las vischnancas. La societad agricula vegn a decider en ina proxima sesida co proseguir.

Fastiz da la loipa sin la prada a Ramosch
Legenda: Fastiz da la loipa sin la prada a Ramosch. RTR, Georg Luzzi

RTR actualitad 12:00

Artitgels legids il pli savens

Scrollar a sanestra Scrollar a dretga