La radunanza generala da la Turissem Engiadina Scuol Samignun Val Müstair ha elegì Ludwig Jenal a la fin da la radunanza sco president dal cussegl administrativ. En pli ha la radunanza generala dals 25 avrigl era acceptà il quint annual cun in gudogn da 4000 francs.
Onn cun bleras midadas
Igl è stà il 7avel onn da la destinaziun, in onn cun bleras midadas. Sper la midada a la testa dal cussegl administrativ hai era dà la midada tar la direcziun operativa: Urs Wohler ha bandunà l'Engiadina, sia successura è Martina Stadler. Ses emprim onn è stà sut l'ensaina da svilups sin il sectur online. La destinaziun ha ina nova pagina d'internet ed elavura novas strategias per raquintar online istorgias als giasts che duain visitar l'Engiadina.