Siglir tar il cuntegn
cuntegn

Engiadina Luf dal Son Gagl è il medem sco en Engiadina

L'analisa genetica da l'universitad da Losanna ha mussà ch'il luf M93 ha stgarpà las nursas ad Oberriet en il Son Gagl. Quai è il medem luf che ha era gia stgarpà nursas en l'Engiadina, ha communitgà la chanzlia chantunala dal Son Gagl.

Purtret d'in luf.
Legenda: Il luf M93 è era gia stà en Engiadina. Reuters

Il luf M93 era vegnì registrà l'emprima giada en l'Engiadin'Ota, suenter ch'el aveva stgarpà intginas nursas. Fin november 2018 è el lura vegnì a Berg en la Turgovia, nua ch'el ha puspè stgarpà pliras nursas. Mez december è el lura stà ad Oberriet en il Son Gagl, là ha el mazzà duas nursas. Tar las nursas stgarpadas a Muolen en il chantun Son Gagl n'han ins betg pudì determinar l'animal. Il sa cuntegnair sumegliant lascha dentant supponer ch'era quai saja stà il luf M93.

L'onn passà n'hai dà durant la stad betg in sulet animal da niz che fiss vegnì stgarpà dal luf. Pir il december hai dà ils cas ad Oberriet e Muolen. In luf possia ir grondas distanzas er ordvart ses territori normal, hai num en la communicaziun.

RR novitads 10:00