Ils lutgaders giuvens ed ils aspectaturs han pudì giudair ina festa da lutga fitg pitschna e famigliara a Zuoz. Quatter clubs grischuns eran preschents ed in club envidà dal chantun da Sviz cun totalmain 44 lutgaders.
Cunquai che la festa era uschè pitschna han ins fatg be trais categorias cun mintgamai trais annadas. Per ils pli giuvens en las categorias n'è quai betg gist stà d’avantatg.
Tar ils mats da las annadas 2003-2005 ha gudagnà Salomon Lazzarotto dal SC Cuira. Tar ils mats da las annadas 2006-2008 Josias Müller dal SC Heinzenberg e tar ils pli giuvens da las annadas 2009-2011 ha gudagnà Laurin Lingenhag dal SC Prättigau.
TR Telesguard 17:40