La nova purschida sa drizza a buns scolars dal stgalim secundar per il 10avel fin e cun il 12avel onn da scola.
Nagin examen d’admissiun
Per questa scolaziun na veglian ins betg in examen d’admissiun, scriva il Lyceum Alpinum en sia communicaziun. Quai pervi che questa varianta na suttastat betg a las directivas chantunalas. Ils scolars na ston perquai betg far in examen d’admissiun. La scola media sclerescha sezza la cumpetenza e l'abilitad dals scolars.
Scolaziun intensiva
L’instrucziun dal nov modul da scolaziun prepara ils scolars intensivamain per l’examen da matura en gruppas pitschnas (max. 10 scolars). En congual cun la matura svizra tenor las directivas chantunalas na datti tar il nov modul naginas notas ed ils examens han lieu centralisà en in'universitad svizra.