Siglir tar il cuntegn

Header

cuntegn

Lyceum Alpinum Zuoz Beat Sommer turna puspè sco rectur

Roschada en la direcziun da duas scolas medias en l'Engiadina. Beat Sommer ch'è actualmain anc directur da l'Institut Otalpin Ftan surpiglia l'avust quel da la scola media a Zuoz.

Dejà-vu

Beat Sommer e sia dunna Ursula avevan manà il Lyceum Alpinum gia durant passa 10 onns fin il 2014. Suenter ha il pèr lavurà quatter onns en posiziun da cader a la Scola internaziunala svizra scientifica a Dubai. Dapi l’october 2018 èn els s’engaschads sco rectur e manadra da communicaziun a l’Institut Otalpin a Ftan. Mez schaner ha la scola media en Engiadina Bassa communitgà ch'il pèr Sommer bandunia l'Institut Otalpin per la fin da fanadur 2021.

Christoph Wittmer banduna la scola media sin la fin da l'onn da scola, scriva il Lyceum Alpinum. Sin fundament da differentas opiniuns davart la strategia a media e lunga vista, hajan il cussegl administrativ e Wittmer decidì da schliar il contract.

La separaziun succedia senza nauschs sentiments, uschia Christoph Wittmer envers RTR. El veglia er s'engaschar plainamain per la scola media anc fin la fin da l'onn scolastic. Nua che la via al maina en avegnir, na vul e na po il rectur partent dentant anc betg tradir.

Ils ultims sis onns hai uschia dà gia quatter midadas en il rectorat dal Lyceum Alpinum a Zuoz.

RTR novitads 14:00

Artitgels legids il pli savens

Scrollar a sanestra Scrollar a dretga