Siglir tar il cuntegn

Header

audio
L'emprima stgargiada d'alp a Madulain
Or da Total local dals 09.09.2019. Maletg: RTR, Selina Camichel
laschar ir. Durada: 2 minutas 1 Secunda.
cuntegn

Madulain L'emprima stgargiada d'alp è stada in success

A Madulain ha lieu per l’emprima giada ina stgargiada d’alp. Organisà quella premiera, ch'è en auters lieus dapi onns tradiziun, han duas giuvnas.

Dapi che l’Alp Es-cha è vegnida renovada il 2017 ed il latg elavurà directamain al lieu, ha il chau d’alp gì in desideri – numnadamain d'organisar ina giada ina stgargiada d’alp. Suenter avair tschertgà 2 onns persunas motivadas è ses giavisch vegnì accumplì.

Marina Lenz e Mia Kaenders, duas giuvnas da Madulain, han numnadamain prendì per mauns questa sfida ed organisà ensemen durant ils ultims dus mais l’emprima stgargiada d’alp.

La stgargiada è gartegiada

Er sche l’aura è stada bletscha e las temperaturas fraidas èn vegnids blers visitaders a la stgargiada.

Ch'i vegnia tanta glieud tar quest’aura, n'avessan nus betg pensà.
Autur: Marina Lenz Organisatura

Ils organisaturs èn fitg cuntents ch'i ha funcziunà tut tenor plan. Da tegnair en uraris na saja betg simpel, sch'ins lavuria cun animals. Ma er quai saja tenor Marina Lenz gartegià.

Plaschair ha ella er che l'entira vischnanca ed ils purs han sustegnì l’idea e tuts han gidà. Ella è persvasa ch'i dat er l'onn che vegn ina tala stgargiada d'Alp e spera ch'i saja naschì ina nova tradiziun a Madulain.

Bler da preparar per la festa da la stgargiada d'Alp:

video
Emprima festa da stgargiada a Madulain
Or da Telesguard dals 06.09.2019.
laschar ir. Durada: 2 minutas 52 Secundas.

TR Telesguard 17:40

Artitgels legids il pli savens