Siglir tar il cuntegn

Header

cuntegn

Madulain Presidi communal pudess turnar en mauns da la famiglia Ratti

Suenter nov onns chala Roberto Zanetti. Sco successur candidescha Ruet Ratti, il figl e biadi dals presidents 1969-2013.

Ruet Ratti è pur ed ha 41 onns. El era vegnì elegì sco suprastant l'onn 2013, suenter che ses bab Gian-Duri Ratti aveva demissiunà sco president communal. Lez aveva surprendì l'uffizi dal 1990 da ses bab Gian Ratti, ch'era avant el durant 21 onns president communal da Madulain.

Durant ils davos nov onns era Roberto Zanetti en quest uffizi. El ha decidì da demissiunar suenter trais periodas d'uffizi.

Sche Ruet Ratti vegn elegì da la radunanza communala ils 30 da matg surpiglia el l'uffizi sco president communal il prim da zercladur.

Sco ses successur en suprastanza candidescha Andreas Grass. Ils ulteriurs suprastants Achmed Etter, Flurin Schur e Floris Tichler sa mettan puspè a disposiziun.

audio
Per tadlar curt e cumpact
ord RTR Audio dals 20.05.2022.
laschar ir. Durada: 1 minuta 3 Secundas.

RTR novitads 12:00

Artitgels legids il pli savens