Siglir tar il cuntegn

Header

cuntegn

Malgrà corona Pendicularas Scuol SA han preschentà quint equilibrà

Las Pendicularas Scuol SA han preschentà lur rapport annual per l’onn da gestiun 2019/2020. Er las Pendicularas Scuol han patì da las consequenzas dal coronavirus. Entras il lockdown è la svieuta sa reducida per 1,3 milliuns francs, hai num en il rapport annual.

Pervi dal coronavirus s’han reducidas las entradas per var 1,2 milliuns francs. Sper la vendita da bigliets che saja crudada davent, hajan eran las entradas da la gastronomia, da l'albiert per gruppas e dad «Engadin Adventure» mancà.

Quint equilibrà

Malgrà las consequenzas dal coronavirus pon las pendicularas preschentar in quint equilibrà, quai tar entradas da radund 4,5 milliuns francs ed expensas da 4,2 milliuns francs. La radunanza generala ha lieu quest onn ils 2 d'october a scrit.

Bun cumenzament

Tenor il rapport eran las pendicularas Scuol - Motta Naluns durant la stad 159 dis en funcziun. Uschia han bun 59'000 persunas visità la stad la Motta Naluns. La gestiun d’enviern ha cumanzà il november e december cun la producziun ed elavurziun da la naiv. Uschia han ins gì in bun start da la stagiun. Fin tar il lockdown eran las primas entradas in zichel pli autas che l'enviern 2018/19.

audio
Per tadlar – curt e concis
ord RTR Audio dals 07.09.2020. Maletg: RTR
laschar ir. Durada: 44 Secundas.

RTR novitads 06:00

Artitgels legids il pli savens