Il center da vacanzas e scolaziuns Salecina a Malögia è vegnì onurà per sia durabilitad cun il premi «Best of ibex fairstay 2022» dal congress d’hotels. I sa tracta dal pli strict organ da certificaziun ecologic. Tranter 75 alloschis elegids saja il center da vacanzas Salecina stà il pli durabel da la Svizra. Sco i ha num en la communicaziun, saja vegnì giuditgà puncts sco gestiun, ragischs regiunalas, la sensibilitad sociala e l’effizienza economica. Il lieu da vacanzas Salecina datti dapi 50 onns. Fin il 2030 duai il manaschi esser neutral al clima.
Ord l'archiv
Gia il 2017 è la Salecina vegnida undrada cun il premi da la CIPRA Svizra per sia lavur per in svilup duraivel en las Alps.
video
Premi da la CIPRA per Salecina
Or da Actualitad dals 09.05.2017.
laschar ir. Durada: 2 minutas 31 Secundas.
