En la regiun Malögia ha la Rega chattà la notg passada ina dunna sparida. Localisada saja la Tudestga da 68 vegnida en il territori maltransibel grazia a ses telefonin ed ina camera termica installada vi d’in helicopter. Las forzas da salvament hajan silsuenter pudì salvar ella cun in turn da suga e sgular ella en l’ospital. Quai scriva la Rega.
Grond'acziun da retschertga
Ella saja stada deidrada e confusa ma uschiglio nunblessada, uschia la Polizia chantunala. La dunna da 68 onns na saja betg turnada en l’hotel a Segl e saja silsuenter vegnida annunziada sco sparida. La polizia haja lura dumandà a la Rega per agid. En acziun èn stads sper la Polizia chantunala e la Rega er l’Uffizi federal da polizia fedpol er ina squadra dal Salvament alpin svizzer.