Mardi saira hai dà in mort e quatter blessads tar ina collisiun frontala da dus autos a Malögia. Mort è in um da 61 onns, sco la polizia chantunala ha communitgà. El seseva davostiers en l'auto ch'è vegnì sin il vial oppost e collidà frontalmain cun in auter che vegniva encunter. Ils dus umens ch'eran da viadi cun el, èn vegnids transportads cun blessuras en l'ospital a Cuira. Er il pèrin en il segund auto è sa blessà tar la collisiun.
L'acziun da salvament saja stada pretensiunsa, scriva la polizia.