I dettia plirs indizis – uschia da leger en ina communicaziun da la Polizia chantunala – per in incendiament. La polizia tschertga en quai connex perditgas che hajan vesì sch'i saja vegnì dà fieu al kiosc.
Cunfinaris han remartgà l'incendi
L'incendi ha chaschunà donns da plirs 10milli francs. 43 comembers dals pumpiers Trais Lejs e Bregaglia han stizzà il fieu. Avertì eran els vegnids vers l'ina da la notg sin mardi. Dus cunfinaris sin via a la lavur en l'Engiadin'Ota han remartgà ch'il kiosc brischava.