Dapi che l’arrivada è vegnida spustada da Zuoz sin l’areal militar da la FLAB a S-chanf avant passa 25 onns, datti er ina staziun da tren aposta per la gronda cursa populara da passlung, il Maraton da skis engiadinais.
Metter en funcziun è simpel
Per la Viafier retica saja l’organisaziun da las duas dumengias dal maraton entant daventada rutina. Las preparativas per activar la staziun «S-chanf Marathon» durian mintgamai ina buna mes’ura.
Sche nus avain avunda glieud va l'installaziun ina mes'ura.
-
Bild 1 von 5. La staziun da «S-chanf Marathon». Bildquelle: RTR.
-
Bild 2 von 5. La staziun da «S-chanf Marathon». Bildquelle: RTR.
-
Bild 3 von 5. La staziun da «S-chanf Marathon». Bildquelle: RTR.
-
Bild 4 von 5. Simon Rohner, Responsabel dal di per la staziun «S-chanf Marathon» . Bildquelle: RTR.
-
Bild 5 von 5. La staziun da «S-chanf Marathon». Bildquelle: RTR.
Autas frequenzas
Ils tschintg trens che circuleschan durant in’ura en omaduas direcziuns rivan da transportar 2'500 persunas, uschia il responsabel per la staziun transitorica, Simon Rohner. Ina gronda sfida logistica cun quai ch’igl è da chanalisar las rotschas da glieud sur la via maistra vi enfin tar la staziun. Per ils organisaturs da la cursa populara ina spierta impurtanta. Uschia possian ins evitar massas dad autos privats enturn l’areal da l’arrivada dal Maraton da skis engiadinais.