L’organisaziun dal Maraton da skis engiadinais ha lascha elavurar da «Event analytics», la cuminanza da perscrutaziun da la Scola auta d’economia Lucerna e da l’interpresa «Rütter Soceco», in studi sur dals effects dal maraton da skis engiadinais sin l’economia publica.
En tut eran radund 18’000 persunas a la partenza sco activs ni al ur da la loipa sco accumpagnaders. En tut han quellas persunas generà 34’000 pernottaziuns, la gronda part 93% en la regiun Engiadina.
Maraton da skis ha generà ina svieuta totala da 33 milliuns francs
Entras il Maraton da skis è en l’entira Svizra vegnida generada ina svieuta da 33 milliuns francs. Quai tut las expensas dals participants e lur gidanters e da las activitads dals organisaturs. La valurisaziun munta ad en tut 15 milliuns francs, per la regiun Engiadina 6,2 milliuns francs.
Per pudair generar questa valur èn stadas necessarias en l’entira Svizra radund 140 plazzas da lavur cumplainas. Bun la mesadad da questa lavur saja vegnida prestada en la regiun, scriva l'organisaziun Maraton da skis engiadinais.
RR novitads 12:00