Oravant tut la scrudada da certificats fetschia vegnir tut l’organisaziun pli simpla, ha ditg Menduri Kasper, il directur da l’organisaziun envers RTR. Atgnamain possian las cursas dal maraton da skis Engiadinais vegnir fatgas sco ils onns avant la pandemia.
Tuttina desistian ins quest onn sin la gronda festa cun musica en l’arrivada a S-chanf. Per la distribuziun dals numers da partenza dettia ina recumandaziun da purtar mascrinas, uschia Kasper. Per la cursa principala dal maraton da skis Engiadinais sajan annunziadas actualmain 10’900 persunas, la finamira sajan 11’500 fin 12’000 annunzias.
