Siglir tar il cuntegn

Engiadina Marc Storace a l’emprima ediziun da The Jam a Puntraschigna

Il chantandur principal da la gruppa Krokus è in dils nums che duai attrair glieud a l’eveniment musical durant trais dis en Engiadin’Ota.

Cristian Hollatz e Mauro Taffelli.
Legenda: Ils iniziants dal 1. The Jam: Cristian Hollatz e Mauro Taffelli. RTR, A. Caprez

Sut la batgetta dals iniziants dal festival The Jam, Cristian Hollatz e Mauro Taffelli, duai dar puspè in inscunter da musica pli spezial a Puntraschigna. Musica acustica stat il venderdi sin il program cun Marc Storace che vegn a chantar vegls classichers sco Proud Mary u Honkey Tonk Woman cun la band Acoustikal Mountain.

Programm al The Jam

Venderdi a partir da las 19 h
Sonda a partir da las 18:30 h
Dumengia a partir da las 16 h
20 Fingers
Rebels
VITH Revival
Acoustical Mountain
Ronnie Jones & Nite LIfe
Prefix
Matteo china/Storace Krokus/Preissel
China and Friends
Randolph Matthews Blues Projekt

Promoziun da bands indigenas

Da la partida a l’emprima ediziun da The Jam èn er bands engiadinaisas. Sper ils Rebels da Zernez e Prefix da Samedan, vegn er la band Vanish in the Haze ad avair in revival a Puntraschigna. La promoziun da cultura dal chantun Grischun ha contribuì 10’000 francs vi dals custs da l’eveniment che promova la cultura indigena. En tut fan ils organisaturs quint cun in budget da radund 40’000 francs.

Musica, trategniment e ballape

Ina finiziun speziala dal festival datti la dumengia saira, cura ch’il final da las mastranzas europeicas da ballape vegn mussà sin ina taila en la tenda, sin la plazza dal Sportpavillon a Puntraschigna.