Quai èn radund 70% dapli annunzias cumpareglià cun l'onn passà. Tenor il CEO Menduri Kasper attira franc il giubileum dapli curriduras e curridurs. Ma era il fatg che l'organisaziun ha dà pli baud la pussaivladad da s'annunziar è ina da las raschuns. E lura han ils organisaturs era fatg dapli reclama per la prevendita dal maraton – oravant tut en ils chanals socials sco per exempel facebook.
Limita da curridurs
Tenor l'organisaziun dal maraton da skis engiadinais n'è ina limita da curridurs betg in tema. L'opziun d'ina limita resta per il mument averta e vegn per discutada sche las annunzias surpassassan las capacitads logisticas.
RR novitads 12:00