Marcella Maier è naschida ils 28 da december 1920 a San Murezzan. Ella ha lavurà en l'hotellaria, sco schurnalista, scrit cudeschs ed ha fatg politica. Uschia è ella stada il 1972 l'emprima dunna en il cussegl communal da San Murezzan, a partir dal 1981 deputada dal Cussegl grond dal chantun Grischun.
«Das grüne Seidentuch»
Il 2005 ha Marcella Maier publitgà la saga «Das grüne Seidentuch», in'istorgia da quatter generaziuns, da quatter dunnas, lur vita e cumbats en Bregaglia ed Engiadina da pli baud. Il cudesch è in longseller, las librarias han pia pudì vender el bain e quai sur lung temps.
Il medem onn, il 2005, ha Marcella Maier retschavì il premi da cultura da San Murezzan. Quai per sia lavur schurnalistica, sia lavur litterara e ses engaschi sin il champ social.
RR novitads 12:00
