Siglir tar il cuntegn

Header

Navigaziun

cuntegn

Engiadina Martina – colliaziun serrada per pliras emnas

Chaschunà la crudada da radund 800 meters cubic grippa, han las fermas variaziuns da la temperatura dal davos temp.

La via chantunala tranter Martina e Vinadi è vegnida donnegiada sin ina lunghezza da radund 20 meters. Sulet in grip da radund 8 meters autezza ha in volum da plirs tschient meters cubic.

Tenor indicaziuns da l'Uffizi da construcziun bassa è la via vegnida donnegiada fermamain. Il bloc da cabels che sa chatta en la via e che cuntegna tranter auter lingias da telecommunicaziun, n’è tenor las enconuschientschas actualas betg donnegià.

Per allontanar il material, siglientar il crap grond e finalmain refar la via, quinta l'Uffizi da construcziun bassa da duvrar pliras emnas. Entant datti il sviament tranter Martina sur il pass da la Resgia a Danuder, e lura en direcziun Fond en il Tirol.

RR novitads 17:00