Siglir tar il cuntegn

Header

Navigaziun

Legenda: Guardar il video La via tranter Martina e Vinadi – Mario Cavigelli pren posiziun. Durada 02:48 minutas.
Or da Telesguard dals 20.03.2019.
cuntegn

Engiadina Martina – Vinadi: Chantun va sur ils cudeschs

Suenter la crudada da la crappa sin il traject tranter Martina e Vinadi èsi uras da far ina controlla e guardar tge ch'ins savess anc far supplementar, uschia Mario Cavigelli.

La crudada da crappa sin il traject tranter Martina e Vinadi è responsabla che la via resta serrada per almain trais emnas. Gia ils ultims onns hai adina puspè dà incaps sin il tschancun tranter Scuol ed il cunfin cun l'Austria.

Temps per gudagnar ina nova survista

Il traject vegn gia dapi daditg surveglià ed ins ha er gia construì intgins indrizs cunter lavinas u crudadas da crappa. Tenor Mario Cavigelli, il schef dal departament da construcziun, traffic e selvicultura, èsi fitg grev da pudair controllar tut ils tschancuns da via en il chantun tschient pertschient.

Cunquai ch'il traject tranter Scuol ed il cunfin cun l'Austria è ina chavorgia fitg taissa e stretga cun blers grips, na saja cunzunt en questa regiun betg simpel dad avair tut sut controlla. Ins vegnia uss dentant a far ina controlla e guardar sch'i dess anc mesiras supplementaras che stuessan vegnir realisadas.

Legenda: Guardar il video La via a Martina è privlusa. Durada 03:40 minutas.
Or da Telesguard dals 19.03.2019.

RR actualitad 12:00