Il center da sport Mulets, situà a Silvaplauna, ha dapi in'emna drizzà en in stan per dar a fit patins. L'affar gira. 300 pèr patins han els per dar a fit. Quels eran ils ultims dis vendids ora gia l'avantmezdi. La colonna da spetga fin che in ni l'auter pèr vegn dà enavos è perquai lunga.
Bun che gist daspera stat il stan da l'hotel Giardino Mountain a Champfèr. Ina liongia, ni insatge da baiver per spetgar.
L'hotel è vegnì dumandà da la vischnanca da Silvaplauna sch'el na vul betg porscher ina pitschna ustaria a la riva dal lai. Cun uschè blera glieud n'ha nagin spetgà, ha ditg Arno Isepponi da l'hotel Giardino Mountain. Grazia al sustegn da la vischnanca e tut ils involvids vegnan ins dentant bain a frida cun tut e quai fetschia plaschair.
audio
Mezdi: Boom dad ir cun scursalets sin Lai da Champfèr
03:33 min, ord Actualitad dals 30.12.2015.
laschar ir. Durada: 3 minutas 33 Secundas.
Lungs dis
Ils dis per ils dus affars a la riva dal lai èn lungs. Damaun las 08.00 uras fin la saira a las 18.00 uras èn els sin plaz. La glieud vegn era per part schon baud e resta fin la rendida dal sulegl ed anc pli ditg.