Mastergn regiunal tendenzialmain cunter la No Billag

Durant il apero da Bumaun da la «Società da commerzi e mansteranza Engiadina Bassa» eran las opiniuns cleras cunter la No Billag.

Persunas taidlan il referat da Ladina Heimgartner Bild in Lightbox öffnen.

Legenda da maletgs: referat en occasiun dal apero da Bumaun a Scuol RTR, Dario Müller

En occasiun da l’apero da Bumaun tradiziunal da la «Società da commerzi e mansteranza Engiadina Bassa» ha referì la directura dad RTR, Ladina Heimgartner, davart da l’iniziativa No Billag.

Entant che l’Uniun grischuna d’artisanadi e mastergn di «Gea» a la No Billag ha ins pudì sentir en l’Engiadina in cuntravent a l’avis chantunal.

Ladina Heimgartner e Claudio Andry. Avrir maletg en lightbox.

Legenda da maletgs: Ils protagonists Ladina Heimgartner e Claudio Andry. MAD / B. Stecher

Il president da l’uniun regiunala, Claudio Andry, ha prendì cleramain posiziun cunter l’iniziativa e cunter la parola da l’uniun chantunala. Quai era sche la suprastanza da la «Società da commerzi e mansteranza Engiadina Bassa» n’ha anc betg tractà il tema. La seduta da la suprastanza è previsa en favrer. Or dal ravugl dals preschents n’hai dà nagins votums che sustegnan l’iniziativa.