Andri ed Arno Arquint dattan gia dapi uffants schah. Andri ha sfurzà ses frar giuven da giugar cun el. Ma bain spert ha era Arno gì grond plaschair da schah. Ensemen han els giugà uras senza fin. Regularmain sa participeschan els ad occurrenzas, actualmain al campiunadi svizzer da schah a Samignun.
Andri l'organisatur
Andri Arquint abita a Samignun e gida gia per la terza giada ad organisar il campiunadi svizzer a Samignun. Ils responsabels da l'uniun Svizra da Schah vegnan adina gugent qua en las muntognas nua che las giugadras e giugaders da schah sa chattian bain.
Arno il strateg
El abita a Cuira e lavura sco psicoterapeut. Per el vai tar il schah per studegiar ed encleger il gieu. I dovra intuiziun e natiralmain ston ins era esser corporalmain fit. Tar l’avertura da mintga gieu datti ina strategia e quella ha nums sco per exempel la Spagnola, la Scandinavia u Siciliana ma suenter èsi tut avert.
Ils dus frars Arquint – schah è la passiun
-
Bild 1 von 5. Andri Arquint vi da la proxima tratga. Bildquelle: RTR, Georg Luzzi.
-
Bild 2 von 5. Arno Arquint plain tensiun vi da giugar. Bildquelle: RTR, Georg Luzzi.
-
Bild 3 von 5. Andri Arquint – spetga sin la proxima tratga dal contrahent. Bildquelle: RTR, Georg Luzzi.
-
Bild 4 von 5. Radund 150 participants e participantas a Samignun. Bildquelle: RTR, Georg Luzzi.
-
Bild 5 von 5. Jon Domenic Parolini, il cusseglier guvernativ, fa ina visita. Bildquelle: RTR, Georg Luzzi.
Or da l'Archiv
1983 hai dà a Mustér il turnier da la federaziun da schah dals lavurers: