La mazlaria veglia amez il vitg da Sent n’accumpliva betg pli las prescripziuns igienicas dad ozendi. Perquai ha Reto Zanetti stuì decider:
Jau hai guardà sin mia vegliadetgna e badà che jau stoss anc lavurar 20 onns.
Curt viadi – curta paina
Millis da biestga bandunan onn per onn l’Engiadina sur ils pass en direcziun Basilea u Turitg per vegnir mazzads en las grondas mazlarias. Quai vuless Reto Zanetti evitar. La biestga duess vegnir mazzada en Engiadina e lura pir vegnir transportada en camiuns – quai è tant la gronda finamira sco er il potenzial, ch'el vesa cun sia nova mazlaria a Ramosch.
Radund 50 meter lunga è la nova mazlaria. Tut sut in tetg, da la zona da spetga per l'animal, locals d’elavuraziun, glatscheras modernas, locals da schelentar e pachetar. Radund 3 milliuns vegn quella a custar. Sustegn ha el retschavì dal chantun ed era dal stadi.
RR actualitad 08:00