Siglir tar il cuntegn

Header

video
Nova mazlaria Val Müstair
Or da Telesguard dals 07.04.2021.
laschar ir
cuntegn

Mazlaria Val Müstair Charn «made in Val Müstair»

En la Val Müstair han ils purs manà ils emprims animals en la nova e moderna mazlaria.

In pli curt viadi per ils animals – uschè n'hajan els betg da suffrir avant che vegnir mazzà. Vegnia vitiers che il pur dastgia sez manar ses animals en la mazlaria ed accumpagnar els enfin a la mort.

En la Val Müstair è vegnì fabritgà ina latgaria en il rom dad in project per promover la regiun, curt PRE. Ussa han els era realisà la mazlaria e sco proxim duai seguir in center per elavurar il graun.

audio
Avertura da la nova mazlaria
02:57 min, Actualitad dals 07.04.2021.
laschar ir. Durada: 02:57 minutas.

Per il president da la societad da la mazlaria e medemamain era president da l’agricultura en la Val Müstair, Rico Lamprecht, èsi impurtant da pudair producir regiunal e dad auta qualitad. Cun quest project vegn la Val Müstair anc pli independenta e po uschia era stgaffir novas plazzas da lavur.

Radund 200 enfin 300 animals ad onn vul ins mazzar en la nova e moderna mazlaria da Müstair. Ultra da quai han ussa era ils chatschaders e las chatschadras indigenas la pussaivladad da manar lur animals sajettads per elavurar confurm a la lescha.

RTR novitads 17:00

Artitgels legids il pli savens

Scrollar a sanestra Scrollar a dretga