Siglir tar il cuntegn

Header

Navigaziun

cuntegn

Engiadina Mazzlas – il golf da muntogna

A Ramosch è «mazzlas» tradiziun, qua gioga il bab cun il figl. I va per la cumpagnia e main per il gudagnar.

Quai ch'è tar il golf il bastun da golf è tar quest gieu – la mazzla. In bastun da plastic cun orasum in lain dir. Ma empè da metter la ballina da golf sin il fund bittan ins tar il gieu da mazzla en l’aria quella e cun la mazzla ston ins tutgar la ballina.

Sumegliant al golf

A Ramosch vegn giugà quest gieu dapi decennis durant il temp da Pasca. Giuven e vegl giogan ensemen en gruppas da quatter persunas. Ina gruppa gioga encunter l’autra. Il traject e radund 4 kilometers lung e la finamira è d’avair uschè paucs clocs sco pussaivel, precis uschia sco tar il golf.

La cumpagnia en il center

Gudagnar è flot – ma quai n'è betg l'impurtant. I va per giudair la cumpagnia. Per blers è quest gieu er in inscunter. Blers lavuran utrò e vegnan lura sur Pasca en Engiadina e qua sin las planiras sut il vitg s'inscuntran ins per giugar ensemen a «mazzlas» e daspera natiralmain blera, blera, blera teoria e politica.

RR actualitad 17:00