Siglir tar il cuntegn

Engiadina Meglra protecziun cunter lavinas en Samignun

La regenza ha approvà il project «Extensiun dals indrizs cun pitgas da siglientar lavinas» e deliberà per quest intent ina contribuziun da maximal 774'300 francs.

Carta topografica.
Legenda: A Samignun datti tschintg pitgas supplementaras da siglientar lavinas. MAD / Uffizi federal da topografia

A Samignun vegnan protegids territoris d'abitadi e vias da traffic da passa 30 indrizs cun pitgas da siglientar lavinas controlladamain. Dus da quels indrizs stattan en la Val da Chierns e trais en la Val Motnaida.

Ils ultims onns èsi sa mussà che questas duas regiuns grondas, nua che lavinas sa distatgan adina puspè, na pon betg vegnir controlladas suffizientamain cun ils indrizs avant maun. Cun l'extensiun vegnia a dar tschintg indrizs novs, scriva la regenza grischuna.

RR novitads 10:00