Siglir tar il cuntegn

Engiadina Midament a la testa da la societad Laudinella San Murezzan

Christoph Maximilian Schlatter daventa CEO da l’organisaziun e surdat la direcziun da l’Hotel Reine Victoria e da l’Hotel Laudinella a duas giuvnas hotelieras. Myriam Bolt surpiglia per ils 1. d’october la direcziun dal Reine Victoria, Andrea Cologna quella dal Laudinella.

Purtret da Andrea Sandra Cologna.
Legenda: Andrea Sandra Cologna daventa directura da l'hotel Laudinella. MAD
Purtret da Christof Schlatter.
Legenda: Christof Schlatter. MAD

Christoph Maximilian Schlatter è dapi dus onns directur dals dus hotels. El mida funcziun e surpiglia la plazza da ses bab a la testa da la societad Laduinella, quai scriva il portal online htr.ch. Felix Schlatter sa retira suenter 21 onns e lavura be anc sco delegà en il cussegl administrativ.

 

Myriam Bolt.
Legenda: Myriam Bolt ed Andrea Cologna vulan parter si lur lavurs. MAD

Da la jurista a l’hoteliera

Andrea Cologna che succeda a Christoph Maximilian Schlatter al timun da l’hotel Laudinella era fin uss vicedirectura da l’hotel da trais stailas. La dunna da 32 onns oriunda da la Val Müstair e Myriam Bolt veglian partir si lur lavurs e funcziuns tranter ils dus hotels. Quai per nizzegiar uschè bain sco pussaivel las sinergias.